MPF-in budget Rs. 11,63,000
Mizoram People Forum (MPF) Governing Board Committee chu nimin khan Synod Committee Room-ah an ṭhukhawm a, kum 2021-2022 chhunga budget atan Rs. 11,63,000 an pawm. MPF leh political party-te'n thawhhona thuthlung an siam tawh thu tarlan a ni.
Meeting-ah hian treasurer Lalramnghaki'n kum 2021-22 budget a pharh Rs. 11,63,000 chu an pawm a, kum 2020-21 budget aiin Rs. 59,000-in a tam. General secretary Rev. R Lalnuntluanga'n report pein, district thar Saitual leh Khawzawlah district forum hawn a nih tawh thu leh August 2020 khan MPF-a la tel lo kohhrante tel tura sàwm an nih thu a tarlang.
MPF General Secretary tarlan danin, political party leh MPF chuan thawhhona thuthlung an siam fel leh tawh a, political party tinte'n hming an ziah hnan tawh a ni.
Kumin 2020-a Annual General Assembly neih tum chu hripui léng vangin Governing Board chuan ṭhulh mai ni se, tiin an rél a; MPF report kimchang inkhawmpuia pharh ṭhin ang chu siamin, sem darh ṭha an ti thung.