Hripui vei hmuh thar 37 zinga mi 20 Mizoram chhunga kái
November 17, Thawhlehnia Mizorama Covid-19 vei hmuh chhuah mi 37 zingah tualchhunga kái chhâwng mi 20 an awm a, an zingah naute kum 1 mi a tel.
Sorkar thuchhuaha a lan danin, tualchhunga hripui káite chu Aizawl khawpuia veng panga mi 11 leh Lawngtlaia veng pahniha mi pakua an ni a; an zinga mi pathum chu hri an kài ṭanna hriat a ni lo a, natna lang chhuak mi paruk an awm.
Ramthar Veng, Aizawla hripui vei hmuh chhuah thar mi parukte chu chhungkaw pakhata chengho vek an ni a, an zingah hmeichhe nautê kum 1 mi a tel. An chhungkuaa mi pakhat chu Covid-19 positive a ni tih hmuh chhuah a ni tawh a, chumi aṭanga kái chhâwnga ngaih an ni.