LADC inthlana candidate tur puan belh zel

December 4, 2020-a Lai Autonomous District Council (LADC)-a MDC inthlan turah MNF party-in an candidate turte an puang kim tawh a, BJP pawhin bial 17-a an candidate turte an puang tawh. Indian National Congress (INC) chuan bial 15-a an candidate tur leh bial dang pathuma independent candidate, an party thláwptu turte an puang tawh bawk.

LADC inthlana candidate turte hi state sorkara rorel lai MNF party chuan November 10-ah an lo puang tawh a, a hnuah puan belh lehin, bial awm zawng zawng, 25-a candidate turte an puang kim tawh a ni.

INC chuan November 17 khan Lawngtlaiah candidate puanna inkhawm an nei a, MPCC treasurer Zodintluanga Ralte-in an candidate turte chu a puang, Bial pasariha an candidate turte erawh an la puang lo thung. Table tarlanah INC column-a kualkhung chhunga Ind. tih hi independent candidate, INC thláwptute an ni.