Champhaiah Handloom Expo

Sorkar laipuia Ministry of Textiles hnuaia Development Commissioner for Handlooms, New Delhi leh Mizoram Apex Handloom & Cooperative Society (MAHCO)-te chuan nimin khan Champhai Vengthlang YMA Hall-ah Champhai Special Handloom Expo an buatsaih ṭan a, district bawrhsap mawhphurhna la mektu Henry C Lalrawnkima’n a hawng. Expo-ah hian dawr 30 a awm a, March 4, Zirtawpni thleng neih a ni ang. Expo neihna bulah Mizoram State Legal Services Authority leh Champhai District Legal Services Authority-te’n ‘Dan hriat loh hi chhuanlam a tling lo’ tih thupui hmangin Mobile Legal Aid Clinic an buatsaih bawk.