Lungkawlh pa savawmin seh hlum

February 1, Thawh­lehni tlai khan R Chhun­thangvunga (54) s/o Thantluanga, Lungkawlh, Serchhip district chu Ṭiau lui kamah savawmin a seh hlum.

Thu dawn danin, R Chhunthangvunga hi a fapa kum 14 mi nen Ṭiau luiah balu lain an riak a, balu la ve tho mi dang pawh an awm nual a; hruizîk leh chawhmeh dang zawng tura zan dar 6:30 vela a chhuak chu savawm no nei hlim nen an innangching nia hriat a ni. Ṭiau kama riak ve dangte'n savawm ṭê thâwm an hria a, a hnuah thâwm awmna lam an pan a, zan dar 9 velah R Chhunthangvunga chu thiin an hmu ta a ni.

Ruang awmna aṭanga hla vak loah savawm notê, mit keu hlim pahnih an hmu a, a pui erawh an hmu lo thung.