KHAWTHLIR

Mizo thuam inbel turin ngen
Naktuka Chapchar Kût pualin Mizoram sorkar chuan sorkar hnathawk te, public sector under­taking, board, body leh agency hrang hranga thawkte chu vawiin hian Mizo thuam inbela pisa kai turin a ngen.

Fisheries Bill
March 1, Thawhlehni khan Assembly session-ah Fisheries minister K Lalrinliana put luh, 'The Mizoram Fisheries (Second Amendment) Bill, 2022' chu pawm a ni.

Tui sem zat
PHE minister Tawnluia, deputy chief minister chuan INC member Zoditluanga Ralte zawhna ziaka chhangin, Aizawl khawpuiah chawhrualin ni 10 chhungin tui vawi khat sem a nih thu a tarlang a, "Thla khat chhunga tui sem zat chu consumer pakhatah litre 7,500 - 8,500 vel anga chhût a ni," a ti.

Ambulance hlân
National Scheduled Tribes Finance and Development Corporation-in an CSR aṭanga Lawngtlai district tana ambulance an pek chu March 1, Thawhlehni khan district bawrhsap Dr Andrew H Vanlaldika'n Lawngtlai chief medical officer Dr LP Malsawma hnenah a hlan.