Covid-19 positivity rate a tlahniam hret hret

March 1, Thawhlehni khan Mizoram Covid-19 vei mi 703 hmuh chhuah a ni a, positivity rate 17.47% niin, a tlahniam hret hret. Nimin khan hripui vei dam tawh mi 1,086 chhuahtir an ni a, Covid-19 vei thi an awm lo.

Covid-19 vei Thawhlehnia hmuh tharte chu mipa 314 leh hmeichhia 389 an ni a; RT-PCR hmanga hmuh 65, TrueNAT hmanga hmuh 21, RAT hmanga hmuh 603 leh FIA hmanga hmuh 14 an ni.

March 1-a swab sample endikna district 11-te chu positivity rate 10% chung lam vek a la ni a, Aizawl district-ah a hniam ber. Positivity rate 20% chung lam paruk chiah awm tawhin, 30% chung lam district pali a la awm a, Kolasib leh Lawngtlai district-ah chuan 100% a ni thung.

IDSP record angin, Mizoramah Covid-19 vei 2,15,356 hmuh chhuah a ni tawh a, mipa 1,00,654 leh hmeichhia 1,14,702 an ni a, mipa aiin hmeichhia 14,048-in an tam zawk. Nimin tlai dar 5 thleng khan mi 2,09,363 (97.22%) chhuahtir an ni tawh a, mi 658 (0.31%) thi tawhin, enkawl mek mi 5,335 (2.47%) an awm.

Kum 2011 chhiarpui aṭanga chhûtin, Mizorama Covid-19 vei hmuh tawh 2,15,356 chu mi 1,000 zelah hripui vei mi 196 an awm ang a ni a; mi 1,00,000 zela Covid-19 vangin mi 60 an thi tawh ang a ni tih sorkar thuchhuakin a tarlang.

Mizoramah March 1, 2022 thlenga swab sample endik tawh 18,37,619 aṭanga positivity rate chu 11.72% a ni a; RT-PCR hmanga endik zat percentage chu 20.19 a ni a, RAT hmanga endik zat chu 74.14% a tling.