JERC hotute an ṭhukhawm

Joint Electric Regulatory Commission (JERC) for Manipur and Mizoram atana State Advisory Committee (SAC) for Mizoram chu nimin khan JERC chairman R Thanga kaihhruaiin Aijal Club-ah an ṭhukhawm.

SAC ṭhutkhawmah hian Power & Electricity department-in chak zawka mipui tana hna an thawh theih dan tur te, thingtlanga street light tihchangtlun dan tur te, kum 2022-23 chhunga kawlphetha hman man tur rawtnate sawiho a ni.

Power tariff thar tur Mizoram sorkarin a rawt chungchangah JERC chuan vawiin chawhma dar 11:30 hian Aijal Club-ah public hearing a buatsaih dawn a, tariff chungchanga petition-te sawiho a ni ang.