MP-in a model village a tlawh

Lok Sabha MP C Lalrosanga chuan nimin khan model village atana thlan Damparengpui khua a tlawh a, khawtlang hruaitute nen an inkâwm. MP hi bialtu MLA H Lalzirliana'n a ṭawiawm a ni.

C Lalrosanga chuan, model village atan CSS hmangin a theih ang chin chinah hmalak tum a nih thu a sawi a, "Village development plan-te duangin, kawng hrang hrangah hmasawnna ruangám ṭha tak din tum a ni a, chutiang atan chuan khaw mipui pawh in rilru lo puahchah ang che u," a ti.

Model village atan hian bialtu MLA leh sorkar department hrang hrangte nen ṭangkawpin hmalak tur a nih thu leh, ramri dep a nih avangin BRO-te'n kawngpui an enkawl mek chu chak zawka thawh a nih theih nan Union Defence Minister hnenah a ngaih pawimawh thu ziaka a thawn thu a sawi, MP chuan a sawi bawk.