Science & Mathematics Olympiad 2022

Samagra Shiksha, Mizoram chuan nimin khan School Education conference hall-ah state level Science & Mathematics Olympiad 2022 result puan leh lawmman sem inkhawm an buatsaih a, Human Resource Development Board vice chairman L Thangmawia, MLA-in a hmanpui.

Science & Mathe­matics Olympiad hi zirlaiten science leh mathematics lama hma an sawnna tura Samagra Shiksha-in a buatsaih vawi khatna a ni a; district level leh state level-in pawl 6, 7 leh 8 zirlaite tan intihsiakna buatsaih a ni.

Olympiad-ah hian district hrang hrang aṭangin zirlai 21 an tel a, pakhatnate chu - pawl 6-ah S Vanlalpeka, Beaulah English School, Siaha; pawl 7-ah H Vanlalchhuanawma, Modern M/S, Aizawl leh, pawl 8-ah Ethel C Lalnunpuii, Presbyterian English School, Saitual-te an ni.

Pakhatna hnenah tablet leh certificate pek a ni a, pahnihna leh pathumnate hnenah smartphone leh certificate pek a ni bawk.