Mizoramah km. 600 chuanga thui defence road laih a ni thuai dawn - Rajya Sabha MP Vena

Rajya Sabha MP K Vanlalvena chuan, Mizo­ramah km. 600 chuanga thui defence road laih a ni thuai dawn tih a sawi.

MP K Vanlalvena hian nimin khan Mimbung Primary Health Centre (PHC) sak thar hawnnaah thu sawiin, "Manipur ramri Tuivai lei aṭangin defence road kal tura ruahman a ni. Tun aṭanga rei lo têah Mimbung ram aṭanga Champhai kaltlangin Saiha thlengin km. 600 chuanga thui inkalpawhna kawng laih tur a ni a, tun aṭanga rei lo têah hna ṭan a ni dawn," a ti.

K Vanlalvena chuan, "Hriselna hi a pawimawh a, central pawhin health­care scheme-te siamin, hengte hi a pawimawhzia mipuiin kan hriat a ṭha hle," a ti a; chhung tinte healthcare-a an inziah luh ngei a ṭhat thu a sawi.

Mimbung damdawi-in hi kum 1986-ah din a ni a, kum 2021 kum bul lam aṭang khan a sak ṭhat hna thawh ṭan a ni.