Inlungrual leh kaihhruaina nei ṭha kan ni - MNF Vice President

MNF vice president Vanlalzawma chuan, MNF party chu party dangte awh khawpa inlungrual leh inkaihhruaina nei ṭha a nih thu a sawi.

Nimina Mizo Hnam Rûna inkhawmah Vanlalzawma chuan MNF chu party discipline-ah inlungrual leh inkaihhruaina nei ṭha a nih thu sawiin, “Keini chu danglam tum kan ni ve lo, kan mi hmasate min lo hruainaah kan hotute’n an rêl chu kan pawm mai ṭhin,” a ti.

Lunglei MNF sub-headquarters president Lawmawma Tochhawng pawhin thu sawiin, “Tun dinhmunah chuan chhim lamah ZPM a chim ur ur a ni,” a ti a; MNF chu kum 60 thleng thei a nih thu leh politician tam tak chu MNF aṭanga inzir chhuak an nih thu sawiin, Congress president Lalsawta leh ZPM leader Lalduhoma te chu MNF lo nitawh ṭhin an nih thu a sawi bawk.