Lirthei insú-ah mi pahnih thi

Nimin zing khan Zokhawthar kawnga Mualkawi bulah truck leh bike an insú a, bike-a chuang Lalbiakmuana leh Lalawmpuia, Sazep khua ve vete chêtsualna hmunah an thi.

NH-6 kawng laih hna thawk mektu Shri Balaji Construction company truck, Zokhawthar lam pana tlân leh Zokhawthar aṭanga Champhai pana tlân bike an insû a, bike-a chuang mi pahnih chu an hliam tuar loin an thi a ni. A bul hnaia mite’n chetsualna thleng an hmuh chuan truck khalhtu chu a lo tlan bo tawh a ni.

Truck neitu Shri Balaji Construction chuan chetsualnaa thi mi pahnih chu Rs 60,000 ve vea an ràl bakah, bike neitu Lalawmpuia chhungte hnenah Rs 15,000 an pe a; thil ṭul angte buaipuitu Mualkawi Branch YMA hnenah Rs 15,000 an pe bawk.