Covid-19 vangin 660 thi tawh

Nimin khan tlai dar 5 thlengin Mizoramah Covid-19 vangin mi pakhat a thi a, March 2, Nilainia thi pakhat tarlan thar a awm bawk. Mizoramah hripui vangin mi 660 an thi tawh a, kumin March thla bikah mi pathum an thi tawh.

March 2, Nilaini chawhma dar 11:30 khan Lalramnghaka (33), Thingsai, Hnahthial district chu hripui vangin Lunglei Dedicated Covid Health Centre-ah a thi. Covid-19 positive a ni tih February 28, 2022 khan hmuh chhuah a ni a, natna dang nei tel a ni tih sorkar thuchhuakin a tarlang.

Nimin chawhma dar 10:10 khan Thangzovi (83), Saitual Venglai chu hripui vangin Saitual CCC-ah a thi a; Covid-19 positive a ni tih February 21 khan hmuh chhuah a ni a, natna dang nei tel a ni.