MKHC-in ṭawngṭai turin ngen

Mizoram Kohhran Hruaitute Committee (MKHC) chuan thu-chhuah siamin, vawiin Nilaini zana kohhran inkhawmah kohhran mipuite ram tana ṭawngṭai turin an ngen a; social media hmang fimkhur turin mipui an chah bawk.

MKHC-in ṭawngṭai thupui tur an tarlante chu - Mizoramah inthlanna fel leh muanawm a awm theih nan te, sakhaw zalenna ṭha a awm zel theih nan te, ram leh hnam inpumkhatna ṭha a awm zel theih nante leh, tunlai Mizoram boruak tawn mek chu ṭha taka chinfel a nih theih nante a ni.

MKHC chuan, social media hman fimkhur a ṭul thu sawiin, "CEO thil tih vanga boruak awm mek leh inthlan tur boruakah hian social media (Facebook, Whatsapp, etc.)-ah mipui rilru chawk tho thei leh tharum thawh zawnga infuihpawrhna lam chi te, thlalak hmuh hrehawmte thehdarh lo turin kan ngen a ni," an ti.