Mizoramah ration card 2,79,531

Food Civil Supply & Consumer Affairs (FCSCA) minister K Lalrinliana chuan Mizoramah ration card (ni 17.2.2022 thlengin) 2,79,531 a awm thu tarlangin, "Ration card-ah hian mihring hming chuang zat chu 11,60,826 a ni," a ti.

Assembly session neih mekah INC member Zodintluanga zawhna ziaka chhangin FCSCA Minister chuan public distribution system leh department hnuaia scheme kalpui mekte ngawr ngawr aṭanga mamawh zat chhut chuan kum khata Mizoramin buhfai a mamawh zat chu quintal 9,88,898.58 a nih thu a tarlang.

K Lalrinliana chuan buhfai mamawh zat bakah hian thlavéng huam tel ṭhin a nih thu sawiin, "Buhfai phur motor lawng leh lirthei chesual te, chhiatrupna liantham avanga buhfai mamawhna te, kudam hul ṭhat loh leh zuva avanga buhfai chhiate, Covid-19 avanga 4C puih ngai ṭhenkhat te, Myanmar raltlan etc. avangtein thlavéng atan 10% vel huam tel tir ṭhin a ni," a ti.