Insak ṭanpuina dawng tur 67 thlang

Khawzawl district Screening Committee on PMAY-Housing for All (Urban) chu an chairman CC Lalchhuangkima, district bawrhsap hoin March 3, Ningani khan DC conference hall-ah an ṭhukhawm a; khawpuia cheng mahni puala chenna in nei lo mi 67-te tana insak ṭanpuina pek an remti.

Ṭhutkhawmah hian insak ṭanpuina dawng tura an lo thlan tawh mi 67-te document felfai lo leh chhan dang avanga Management Information System (MIS) portal-a thun theih lohte thlakna tur an ngaihtuah a; veng/khaw tin VC-te rawtna thehluh an zirchian hnuah Khawzawl aṭangin 45, Biate aṭangin 15 leh Khawhai aṭangin pasarih, an vaiin mi 67 an thlang.