Governor in Mizo ṭhalaite entrepreneur ni turin sawm

Governor Hari Babu Kambhampati chuan nimin khan Ailawng rama Zopar Export Pvt.Ltd in an enkawl pangpar huan leh Reiek tlang a tlawh a, Mizo ṭhalaite chu horticulture leh tourism huangah entrepreneur ni turin a sawm.

Governor chuan Mizoram chu a mawi tih sawiin,"Zep rual a ni lo. A leilung bakah state chhung sik leh sa te hi theirah leh pangparte'n an ngeih em em tih a chiang a, hei hi sumdawnna ang hawiin kan belh chian a ngai,"a ti.

Mizo ṭhalai zingah entrepreneur ṭha tak tak an awm tih sawiin Governor chuan,"Tourism, horticulture leh floriculture huangah state tan sum tam tak an thawk chhuak thei tih hria se ka duh," a ti a, sumdawnna leh khualzin hip tura rilru inhawng turin Mizo mipui a chah.