India ramah Mizoram chiah hri vei enkawl mek 1% chunglam ni tawh

March 3, Ningani khan Mizoramah Covid-19 vei mi 569 hmuh chhuah a ni a, positive hmuh tawh zat chu 2,16,605 niin nimin tlai dar 5 thleng khan enkawl mek mi 4,677 (2.15%) an awm a; India rama state 28 leh UT pariat zingah Mizoram chiah hi enkawl mek 1% chunglam awmna a ni tawh.

Nimin khan hripui vei dam tawh mi 805 chhuahtir an ni a, nimin tlai dar 5 thleng khan mi 661 an thi tawh.

Covid-19 vei Ningania hmuh tharte chu mipa 238 leh hmeichhia 331 an ni a; ZMC RT-PCR hmanga hmuh 30 leh Lunglei RT-PCR hmanga hmuh 16, TrueNAT hmanga hmuh 26, RAT hmanga hmuh 495 leh FIA hmanga hmuh pahnih an ni.

Nimin khan hripui vei dam tawh mi 805 chhuahtir an ni a, district tina chhuak zat chu - Aizawlah mi 271, Siahaah 37, Lungleiah 98, Kolasib-ah 51, Mamitah 90, Saitualah 124, Hnahthialah 37, Champhaiah 50 leh Lawngtlaiah mi 47 a ni.

IDSP record angin, Mizoramah Covid-19 vei 2,16,605 hmuh chhuah a ni tawh a, mipa 1,01,224 leh hmeichhia 1,15,381 an ni a, mipa aiin hmeichhia 14,157-in an tam zawk. Nimin tlai dar 5 thleng khan mi 2,11,267 (97.53%) chhuahtir an ni tawh a, mi 661 (0.31%) thi tawhin, enkawl mek mi 4,677 (2.15%) an awm.

Kum 2011 chhiarpui aṭanga chhûtin, Mizorama Covid-19 vei hmuh tawh 2,16,605 chu mi 1,000 zelah hripui vei mi 197 an awm ang a ni a; mi 1,00,000 zela Covid-19 vangin mi 60 an thi tawh ang a ni tih sorkar thuchhuakin a tarlang.

Mizoramah March 3, 2022 thlenga swab sample endik tawh 1,844,129 aṭanga positivity rate chu 11.75% a ni a; RT-PCR hmanga endik zat percentage chu 20.13 niin, RAT hmanga endik zat chu 74.19% a tling.

Sorkar laipuiin nimin tlai dar 5 thlenga India ram Covid-19 dinhmun a tarlanah Mizoram chu state 28 leh UT pariat zingah hri vei enkawl mek percentage tamna ber leh 1% chunglam awmna awmchhun a ni mek.