Lungsenah Hnam Hnatlang

Mizo Students Union (MSU) sub-headquarters, Lungsen bultumin nimin khan Lungsen community hall tualah 'Hnam Hnatlang' neih a ni a, Lungsen MSU president C Laldinsanga'n kaihruaiin, pastor K Vanlalhruaia'n hunserh a hmang. Lungsen khaw chhunga YMA branch pathum president-te leh V/C aiawhte'n thu an sawi a, Mizoram CEO SB Shashank duh lohna leh Bru-te Mizoram páwna vote thlaktir tum an duh lohna thu hmangin an au rual. Mizoram Bru Displaced People Forum president A Sawibunga chu a vote neihna hmun, Lungsen-II polling station-ah ngei ngei vote thlak tura an phût thute an tarlang bawk.