MNF sorkarin sorkar hnathawk a nghet loin mi 3,515 a la tawh

Assembly session neih mekah DPAR changtu deputy chief minister Tawnluia chuan, kum 2018-a MNF-in sorkarna an siam hnuah sorkar hnathawk a nghet loin mi 3,515 lâk a nih tawh thu, INC member Zodintluanga Ralte zawhna ziaka chhangin a tarlang.

Tawnluia chuan, "Hnate hi contract basis, provisional employee, casual/MR basis leh co-terminus-a lak an ni. Centrally sponsored scheme (CSS)/external aided project (EAP) hnuaiah leh Mizoram Home Guards hnuaiah volunteer lakte pawh an awm," a ti.

Dy CM tarlan danin, tun dinhmunah Mizoram sorkar hnuaiah contract empolyee 419, part time employee 50, casual employee 118 leh muster roll employee 7,760 an awm mek. MR employee 7,760 zinga 6,944 chu dinhmun ṭha zawkah hláng kaiin, March 4, 2020 aṭang khan provisional employee tih an ni.