Hmun hnihah kuhva rah man

Saitual Police Station chuan March 3, 2022 (Ningani) khan Dilkhan khaw dáiah Myanmar aṭanga dan loa lak luh nia hriat kuhva rah ip 225, kg. 15,750 an man a, Customs department hnenah an hlan. Kuhva rah an man hi Rs 9,70,000 hùa chhût a ni.

Assam Rifles-te pawhin March 4, Zirtawpni khan Ruantlang leh Tlangsam inkarah Myanmar aṭanga lak luh kuhva rah ip 102 (kg. 6,120) an man a, Champhaia Customs department hnenah an hlân. AR-in kuhva rah an man hi Rs 26,19,360 hûa chhût a ni.

Mizoram police leh Assam Rifles-te’n kuhva rah an mante hlutna (a man) an chhut dan hi a inang lo a; Police chhûtnaah kg. khat man Rs 61.59 ang a nih laiin, Assam Rifles tarlanah chuan kg. khat man Rs 428 a ni thung.