Tanker chesualah mi 2 thi

March 5, Inrinni tlai dar 3:30 vel khan Serchhip leh Keiṭum inkarah tuialhthei phur truck (tanker) chesualin, kawng thlangah a lum a, tanker-a chuang mi pali zinga pahnih a hmunah an thi.

Serchhip aṭanga thu dawn danin, tanker hi ABCI Infrastructure ta niin, Mizoram chhim lama diesel dah tur a ni a; lirthei dang nen an insûlpelhnaah chesualin kawng thlangah a lum a ni. Tanker khalhtu Sacho Singh, Silchar leh ABCI Infrastructure company-a thawk Vijay Chhetri an thi a; handyman Akash Singh chu a zuangthla hman a, mi dang Sagar Sinha pawh a hliam na lo. Mitthite tan Keiṭum Branch YMA chuan kuang an siam a ni.