Covid-19 vangin mi 663 thi tawh

Nimin khan tlai dar 5 thlengin Mizoramah Covid-19 vangin mi pakhat a thi a, March 5, Inrinni khan mi pakhat a thi bawk a, natna dang nei tel ve ve an ni. Mizoramah hripui vangin mi 663 an thi tawh a, kumin March thla bikah mi panga an thi tawh.

March 5, Inrinni chhun dar 10:50 khan ZV Lalmawia (86), Mission Veng chu hripui vangin State Refferal Hospital-ah a thi a, Covid-19 vei a ni tih February 20, 2022 khan finfiah niin, hemi ní vêk hian SRH-ah dah luh nghal a ni.

Nimin chhun dar 11 khan C Lalzuithanga (60), Rangvamual chu SRH-ah a thi a; a thih hma March 5 khan Covid-19 positive a ni tih finfiah a ni a, SRH-ah dah luh nghal a ni.