Candidate-te'n nomination an file mek ; Vawiin nomination file hun hnuhnung

Congress party pre­si­dent leh Mizoram chief minister ni lai Lal Than­hawla chuan nimin khan a dinna tur bial pakhat zawk, Champhai South constituency atan returning officer Dr Naveen Agar­wal, Champhai DC hnen­ah nomination paper a thehlut. Nimin vek khan candidate tur mi eng emaw zatin nomination paper an thehlut bawk a; vawiin hi nomination file hun tawp a ni.

Vawiin tlai dar 3 hi Mizoram inthlanpuia chuh tumte hming pek luh hun tawp a nih tawh avangin, candidate tur zinga mi eng emaw zat chuan nimin khan an dinna tur constituency viltu returning officer-te hnenah nomination paper an thehlut. Nimin tlaia Mizoram Election department-in a tarlan dan chuan nomination hi mi 107 in an thehlut tawh a ni.