ENVIS Hub training buatsaih khâr a ni

Mizoram Pollution Control Board (MPCB) hnuaia Mizoram ENVIS Hub-in thla hnih chhung training an buatsaih, 'Green Skill Development Programme (GSDP) training certificate course in Pollution Monitoring: Air & Water Pollution' chu nimin khan Economics & Statistics conference hall-ah khâr a ni.

Training khârna inkhawm hi ENVIS coordinator Dr Lalramnghaki Pachuau, scientist-B chuan a kaihruai a, MPSB member secretary C Lalduhawma'n training chhuakte leh resource person-te hnênah certificate a hlân bakah, fuihna thu a sawi.

Training hi September 3, 2018-ah ṭan a ni a; science graduate hna nghet nei lo mi 20 telin, mi 18-in training an zo a, training zo ta lo mi pahnihte chu hna dang hmuh vânga zo ta lo an ni. Resource person atân Mizoram University, Science & Technology department, MPCB leh Mizorama science college hrang hrang leh Central PCB-a mithiamte rawih an ni.