Vice President a lo zin dawn

Vice president M Venkaiah Naidu chuan naktuk hian Mizoram a rawn tlawh dawn a, March 11, 2022 thleng a châm ang. Hei vang hian Traffic SP Rodingliana Chawngthu chuan Lengpui leh Raj Bhavan inkar kawngpuiah lirthei leh bungrua dah phal a nih loh thu a puang.

Traffic SP tarlan danin, March 9-ah chuan Lengpui leh Raj Bhavan inkar kawng; Lengpui - Sihhmui - Hunthar Veng - Vaivakawn -Tuikual South - Venghlui huam chhung kawngpui dungah zing dar 7:30 aṭanga chhun dar 12 inkarah lirthei leh bungrua dah khap a ni. March 10, 2022 zan dar 10 aṭanga March 11, 2022 zing dar 9 inkarah dah khap a ni bawk.

Vice President chêt velna tibahlah thei thilte kawngpui dunga a awm a thiang lo tih tarlangin Rodingliana Chawngthu chuan, hriat loh vanga buaina tawh loh nan leh ṭul loa hun an sèn thlawn loh nan lirtheia veivâk turte chu lo inhmakhua a, pumpelh dan kawng zawng turin a chah a; ni dang aia rei lirthei din a ngaih dawn thu a tarlang a ni.