Chhungkaw 748 mau chintir tawh 'Maute a nung ṭha thawkhat' - CM

Horticulture chang­tu chief minister Zoram­thanga chuan INC mem­ber pahnih Zodin­tluanga leh Lalrindika Ralte zawhna chhangin, sokarin mau chíng turin chhungkaw 748 a thlan tawh thu House a hrilh a, "Tun dinhmunah mau phun tawhte a nung ṭha thawkhat," a ti.

Nimina Assembly session-ah Chief Minister chuan, "Tun dinhmunah mau phun tawhte hi a nung ṭha thawkhat. Mau chìnte hi kum khat leh a chanvea upa chauh an la ni a, a tlakna leilung azirin a ṭhen ft. 3-4 vel chauh an nih laiin, a ṭhen chu ft. 10 laia sángte pawh an ni," a ti a, ram hectare khat zel atan ṭanpuina pek a nih thu a tarlang.

Chief Minister Zoram­thanga tarlan danin, Mizoram sorkar flagship programme rua/ mau buaipuina atan sorkarin cheng nuai 877.52 a hmang tawh a ni.