Traffic jam awm lohna a ni rih lo

Home minister Lalchamliana chuan ZPM member Vanlalhlana zawhna ziaka chhangin, tun dinhmunah Aizawl chu traffic jam awm lohna state capital awm chhun a ni thei rih lo tih a tarlang.

Traffic jam awm lohna state capital awm chhun ni tura tih turte zawhna chhangin Home Minister chuan, "Traffic jam awm lohna state capital awm chhun ni tur hian tih tur tam tak a awm a, kawng hrang hrangin hmalak mek zel a ni," a ti.

Home Minister chuan INC member Lalrindika Ralte-in zan curfew a nih chhan a zawhna chhangin, "Covid-19 pandemic-in kum 2020 aṭanga min nuai avanga hri inkai darh tur vènna kawng khat atan zan curfew kalpui ṭhin a ni," a ti a; chutih rualin, zan lamah hripui inkài chhàwn a awlsam bika hriat a nih loh thu a tarlang bawk.