KHAWTHLIR

Computer pe
Information & Communication Technology (ICT) department chuan, NIELIT-in T Romana College-a CCC course an kalpui meka hman turin nimin khan computer 10 an pe. Computer pek puala inkhawm hi ICT secretary Lalramsanga Sailo-in a hmanpui a ni.

Thisen pe
Pachhunga University College NSS unit chuan nimin khan an college campus-ah thisen pek an huaihawt a, Civil Hospital Aizawl tan thisen unit 76 an pe a, petute mipa 61 leh hmeichhia 15 an ni.

Ṭanpuina hlân
Khawzawl bawrhsap CC Lalchhuangkima chuan nimin khan Sialhawk Village Task Force hnenah Covid-19 vanga chhungkaw 20-te chhawmdawlna tur buhfai kg 480, tél báwmpui 20, bekang sa (nutrela) kg 10, PPE panga leh kut tihfaina litre 10 a hlân.

Heroin man
Assam Rifles chuan nimin khan Vàngchhia bula Ṭiau luiah heroin no. 4 gram 780 an man a, inhnamhnawiha puh mi pahnih man nghalin, Champhaia Excise & Narcotics enforcement hnenah an hlan. Heroin an man hi Rs 3,12,00,000 hùa chhût a nih thu an tarlang.

Zangnadawmna Pêk tum lo
Home minister Lalchamliana chuan INC member Lalrindika Ralte zawhna ziaka chhangin, Assam police-te'n Aitlang rama Mizo thlai an tihchhiatsakte Mizoram sorkarin zangnadawmna a la pek loh thu a tarlang a, "Tun dinhmunah chuan Mizoram sorkarin zangnadawmna pek tumna a nei lo," a ti.

Essay inziahsiak
Assam Rifles chuan nimin khan Aizawla an battalion headquarters-ah Azadi Ka Amrit Mahotsav hnuaia hmalakna chi khat atan Essay Writing Competition an buatsaih a, zirlai 22 an tel a, zirtirtu parukin an ṭawiawm bawk.