Ei leh in tur siam zirna khâr

Mizoram pawna hna thawk, Covid-19 lêng vanga hna bansana Mizorama hawte puala Mizoram Youth Commission (MYC)-in ei tur sâwngbâwl zirna, food processing training an buatsaih chu nimin khan Economics & Statistic conference hall-ah khàr a ni a; MYC chairman Dr Vanlalṭanpuia, MLA-in hmanpuiin, training zo mi 20 hnenah ei siamna hmanrua chi hrang hrang a thláwnin a pe.

Dr Vanlalṭanpuia chuan, MYC chu ṭhalaite inpui a nih thu sawiin, “Mizo ṭhalaite tan engtik lai pawhin a awm reng a, lehkha thiamte chauh a buaipui dawn lo a, mamawh apiangte tan leh eizawnna kawnga puih ngaite a theih ang anga eizawnna ngêlnghet an neih theihna turin a awm reng dawn,” a ti a; skill development leh entreprenuership lam pawh nasa lehzualin a hawi tel zel dawn tih a sawi.

Food Processing Training hi North Eartern Council (NEC) Phase-II kaltlanga buatsaih a ni a, training-a tel mi 20-te chu Mizoram Food Processing & Research Training Center, Selingah ei siam dan zirtir an ni.