Grape kalpui dan tur buaipui mek a ni - Chief Minister

Horticulture changtu chief minister Zoramthanga chuan Congress Legislature Party (CLP) leader Zodintluanga zawhna chhangin, khawchhak lama grape tharte kalpui dan tur buaipui mek a nih thu nimin khan House a hrilh.

Chief Minister chuan, grape tih dan tur ṭha ber ngaihtuah a nia sawiin, “Deputy Chief Minister kaihhruaina hnuaiah a tih dan tur ngaihtuahtu tur sub-committee din a ni. Alcoholic content a san a ngai lutuk a, lehlamah prohibition kalpui mek nente ngaihtuah a ngai. Alcoholic content sang lutuk siam rem dan a awm em tih buaipui mek a ni,” a ti.

Sapthei enchhinna atan Champhai district-a Mualkawi leh Ngúr khuaah chhungkaw 20 ve ve chìntir mek an nih thu sawiin Zoramthanga chuan, “Tlemtêa ṭan kan nih avangin kháwlpui nen beih nghal chu a ni chiah lo. A ṭul angin chíngtu an tam theih dan azirin a khawl kan ngaihtuah zel ang,” a ti a, sapthei an chìntirte chu chhungkaw pakhatah Rs. 12,000 vel pek a nih thu a sawi.