Raltlante thlahualna neih a ni

Hangzo Natural Park leh Zo Friendship International chuan nimin khan Myanmar ram buai avanga Mizorama rawn raltlante thlahualna hun an buatsaih a, Central YMA president R Lalngheta’n a hmanpui.

R Lalngheta chuan Myanmar-a Zohnahthlakte’n harsatna an tawk chu pawi a tih thu sawiin, “Hreawm kan tih puia, kan tawrhpui tak meuh meuh. In sahimna tur a nih dâwn phawt chuan Mizoram lam rawn pan zel turin kan sawm che u a ni. Unaute chuan a thlum a al kan eiza tur a ni,” a ti a, chibing leh chibila hmalakna awm lo a, Mizoah hian lungawi tlang thei ila a duh thu a sawi.

Raltlante aiawha thusawitu Myanmar MP Khawltinsiami chuan, “Zohnahthlakte hi ramin min ṭhen mah se, hnam erawh chuan min ṭhen thei lo. Kan inpuiah kan lo tlanchhia a, Mizo mipuite zingah min ngaitheilo hmel leh hmel hlimawm lo kan la hmu lote hi kan lawm hle a ni,” a ti a, Burma a ralmuan veleha tlawh ve ngei turin Mizo mipuite a sawm.