Kolasib DEO lakah PIL thehlut dawn
Kolasib All NGO Coordination Committee chuan, Kolasib district election officer (DEO) Dr Arun T, disterict bawrhsap ni bawkin dan dik loin Tripura camp-a Bru-te Mizoram electoral roll-a a thunah an ngai a; Kolasib DEO lakah hian Gauhati High Court (GHC)-ah public interest litigation (PIL) thehluh an tum.
Kolasib aṭanga thu dawn danin, Kolasib DEO hian Bru camp aṭanga electoral roll-a thun luh dil, hearing-a an kal loh vanga hnâwl tawhte chu a hnuah hearing nei loin electoral roll-ah a thun leh a ni. Electoral roll-a thunna atana document a hmante chu electoral roll-a inthunna atana hman tlak loh, kum zat pawh awm lohnate a ni.
Tarlan tawh angin, Dr Arun T hian Bru camp aṭanga electoral roll-a luh dilna lut 471 zinga 218 chu electoral roll-ah a thun a ni. Hei hi Kolasib Joint NGO chuan an duh lo a, Dr Arun T hian ama thua a paih theih tawh si loh avangin NGO-te nawrna avangin, paih leh an nih theihna atan electoral roll thawn let leh tura dilna Election Commission of India (ECI) hnenah a ziak a ni.
Dr Arun T lehkha hi nimin tlai khan All NGO Coordination Committee-te'n Election Commission of India (ECI) hnenah an pe a; Joint NGO-te chuan Dr Arun T an duh loh thu ECI hnenah an thlen nghal bawk.