ECI-in nomination thehluh hun pawhsei a remti lo

BJP Mizoram Pradesh president Prof. JV Hluna chuan Election Commission of India (ECI) hnenah Mizoram Legislative Assembly inthlanpui atana nomination paper thehluh theih hun pawtsei turin a ngen a, mahse, ECI chuan a remti lo.

Prof. JV Hluna hian November 7, 2018 khan Chief Election Commissioner hnenah lehkha thawnin, nomination thehluh hun tura bituk chu sawn hla turin a ngen a, "Nomination file theih hun chhungah November 6-7 khan lungawi lohna lantir a nih avangin chawlh a ni. Chuvangin, nomination file theih hun chhung hi pawtsei turin ka ngen che a ni," a ti.

ECI chuan November 8, Ningani khan Prof. JV Hluna hnenah chhanna a thawn a; nomination file hun chhung pawtsei tura a ngenna chu an remtih loh thu an tarlang.

November 28, 2018-a Assembly inthlan atan hian candidate nih tumte tan November 2 aṭang khan nomination file theih a ni a, nomination file theih hun hi nimin tlai dar 3 khan a tàwp a ni.