Champhaiah EVM & VVPAT sem rual

Nimin khan Champhai district tana election general observer Debashis Das kaihhruai­na hnuaiah Champhai district-a Assembly bial pangaa hman tur electronic voting machine (EVM)-te ;eh VVPAT-te computer hmanga sem rual­na (randomization) NIC Conference Hall-ah neih a ni. Champhai DEO Dr Naveen Aggarwal chuan, computer hmangin bial tina EVM hman turte a sem.

Election officer Lal­remruata Kullai chuan Champhai DC strongroom-a dahṭhat EVM leh VVPAT zingah bial panga atan ballot unit 212, control unit 224 leh VVPAT 214 hman tur a nih thu leh, sem rual (randomise) a nih hnuah strongroom pangaah dahṭhat nghal a nih tur thu a sawi.

Strong room-te chu Champhai DC Comlplex-a DPRC (District Panchayati Raj Resource Centre) building-ah pa­hnih, DRDA buildingah pahnih leh DC pisaah pakhat siam a ni a; DC main strong room-a EVM awm mek zingah mock poll atana hman EVM 11 leh EVM awm zawng zawng aṭanga 3% reserve bak chu random vek a nih thu a sawi bawk.

EVM randomization tihnaah hian returning officer, assistant returning officer-te bakah political party hrang hrang aiawhte leh media mite an tel a ni.