MPF-te hi inthlan hmel timawitu an ni - Siaha DEO

Siaha district election officer (DEO) Zoengsanga, district bawrhsap chuan nimin khan a pisaah Mizoram People Forum (MPF) Siaha District Forum hruaitute a kâwm a, MPF-te chu Mizoram inthlan hmel timawitu an nih thu a sawi.

Zoengsanga chuan, MPF hruai­tute chu harsatna an neih phawt chuan anmahni pui turin amah leh a thawhpuite an inhawn reng thu sawiin, "Inthlahrung hauh loa engtik lai pawha pan theih reng kan ni. MPF-te hi Mizoram páwn lam thlenga Mizoram chhunga inthlan hmel timawitu leh state dangte entawn leh sawi tling in ni," a ti a; Siaha district MPF-te hmalak tawhna leh inhma­chhawp hrang hrang avangin an district-ah inthlanna muanawm, thianghlim leh huapzo a awm ngei a beisei thu a sawi.

Inthlanna thianghlim, muan­awm leh zalen a awm theihna atan Siaha District MPF-te hian biak-in tina chhiar chhuah tur kohhran mipuite hnena thuchah an siam a, chu chu kohhran hrang hrangah chhiar chhuah a ni tawh. Candidate chiang kuang tak an awm hnuah joint platform buatsaih leh cable TV kaltlanga talk show buatsaih an la tum a ni.