Exit poll khap a ni

Election Commission of India (ECI) chuan November 10, 2018 khan tun hnaia Assembly inthlanna nei tur - Chha­ttisgarh, Madhya Pradesh, Rajasthan, Mizoram leh Telangana-ahte vawiin, November 12 aṭangin exit poll buat­saih khap a nih thu a puang.

ECI chuan kumin November 12 zing dar 7 aṭanga December 7 tlai dar 5:30 thlengin print media leh electronic media emaw, hmanraw dang emaw hmanga exit poll result tihchhuah a khap.

The Representation of the People Act, 1951 Section 126(1)(b) hnuai­ah, opinion poll result emaw, poll survey dang result emaw inthlan kaihhnawih thil reng reng inthlan vote thlak theih hun tawp aṭanga chhiar leta darkar 48 chhungin electronic media-a tih­chhuah a khap bawk.