ECI hotute'n Champhai an tlawh

Election Commission of India (ECI) deputy chief commissioner Sudeep Jain leh secretary SB Joshi te chuan November 10, Inrinni khan Champhai an tlawh a, November 28-a Assembly inthlan tura Champhai district inbuatsaih dan an enfiah.

ECI hotute hian Champhai district election officer Naveen Agarwal, district bawrhsap leh SP-te an kâwm a, inthlan felfai leh muanawm neihna tura hmalakna an thlirho. Vote chhiar chhung rei ṭhin nia sawi chungchangah ECI hotute chuan, counting plan siam danglam leh tihdanglam ngaite chu rang taka ti nghal turin district thuneitute a hriattir.

Champhaia central armed police force dahna hmunte ECI hotute hian an enfiah a, assured minimum facilities-te an endik bawk.