Kolasib NGO-in vawiin tlai dar 5 hmaa Chhuak turin Kolasib DC an hriattir

Kolasib-a YMA sub-headquarters, MUP sub-headquarters, MHIP sub-headquarters, MZP leh MSU-te chuan Kolasib DC leh district election officer Dr Arun T chu dan loin Bru-te electoral roll-a a thun avang leh Mizo mipuite a buma an hriat avangin vawiin Thawhlehni tlai dar 5 ral hmaa Kolasib chhuahsan turin an hriattir.

Kolasib-a pawl pa­ngate hian 'Hriattirna' lehkha hi nimin khan Kolasib DC hnenah an pe a; lehkhaah chuan, "Tripura Transit Camp-a awmte dan ziktluak loa Electoral Roll-a i tuhn avang leh hemi chungchanga Mizo mipuite vawi tam tak min bum avangin 2018 MLA General Election lo awm tur hi nangma kaihhruaina hnuaia neih hi a him loh avangin, Kolasib hi Dt. 13/11/2018 (Tuesday) dar 5:00 P.M. hma ngeia chhuahsan tura hriattir i ni e," tiin an ziak.

Lehkhaah hian YMA sub-hqrs. president C Lian­kunga, MUP president C Lianzuala, MHIP president Vanlalchhuangi, MZP president Zosangliana Rokhum leh MSU presi­dent R Lallawmsanga ten hming an ziak a; Mizoram Governor, Chief Secretary leh CEO-ah a copy an pe tel a ni.