Nomination thehluhte endik an ni

November 28-a MLA inthlan lo awm tura candidate nih tumte'n nomination an thehluhte chu nimin khan endik a ni a, he thuziah lai hian Election department chuan nomination endikna report an la dawng lo.

Champhai North constituency-a nomination thehluhte chu nimin khan endik fel hman a ni lo. Champhai aṭanga thudawn danin, INC candidate tur TT Zothansanga chu form fill up ṭha leh tura tih a nih avangin, Champhai North atana nomination lutte chu vawiin hian endik leh a ni ang.

Hachhek All NGO Coordination Committee (HACNCC)-te'n Central YMA rawn chunga common candidate atana an thlan J Lalsailova chu nomi­nation endiknaah hian a inlan loa, a aiawhin YMA hruaitute an in lan thung.

Tarlan tawhin angin MLA inthlan lo awm tur atan hian nomination 212 file a ni a, inhnukdawk duhte tan November 14 thleng hun hawn a ni.

Hetihlai hian PRISM chuan thu­chhuah siamin counter affidavit an file thu an tarlang a, "PRISM party chuan November 9, 2018 (Zirtawpni) khan India Danpui Article 191-na te, Representation of the People Act, 1951 Section 10 leh Section 9A te, Central Civil Services (Conduct) Rules, 1964 Section 5(1)-te bawhchhiaa nomination file leh affidavit-a ziah lan tur thup ṭhen mi hrang hrang mi 28 lakah counter affidavit file a ni," an ti.