Department-te inrenchemna atan Central pawmpui dawr turin hriattir

Finance department chuan tun hnai khan office memorandum a tichhuak a; Government e-Market­place (GeM)-a inziak lutte'n bungrua an neih ang lei a nih dawn chuan, GeM-te chiah dàwr turin a hriattir.

Vanglaini-in Finance depart­ment aṭanga thu a dawn danin, Ministry of Commerce & Industries hnuaiah company hrang hrangte'n inziah luh an duh thu an thlen a, an bungraw neih leh an thil siam chhuahte endik a nih a, a ṭha tawk tih finfiahte chu ziah luh niin, chu chu GeM tih a ni.

GeM-te'n bungrua an neihte chu hmun dang aia a man a tláwm bakah a rintlak tih a chiang a; GeM-a bungraw lei turte tender chhuah ngai loa lei mai theih a ni.

Tender chhuah a nih chuan induhsaknate a awm theih ṭhin thu sawiin Finance department hotute chuan, "GeM dàwr a nih chuan tender chhuah a ngaih loh bakah, a man a tláwm. Sum renchemna atan thil ṭha tak a ni," an ti.

•    GeM portal aṭang chauhin lirthei lei tur. Administrative approval erawh a ngai.

•    Computer set, printer, printer catridge, laptop, mobile handset, tablet, projector, etc. chu GeM portal aṭang chauha lei tur.

•    Tualchhunga awm lo bungrua chu GeM portal aṭang chauha lei tur.

•    Department-te chuan head of department kaihhruaina hnuaiah GeM Procurement Committee an din tur a ni.

•    GeM Procurement Committee chuan bungraw lei tur thlangin, a lei hna pawh an kut a ni.

•    GeM portal-a order siam hmain bungraw leina atan sum a awm ngei tih tihchian tur.