Women Achiever zinga tel Chawimawina hlan a ni

International Women's Day pualin India rama tribal hmeichhiate dinhmun chawi kàn kawnga thawh hlâwk zual, Women Achiever mi 75 thlan zingah Laldinngheti, Champhai Bethel Veng a tel a, nimin khan chawimawina hlan a ni.

Chawimawina hi Ministry of Tribal Affairs hnuaia Tribal Cooperative Marketing Development Federation of India (TRIFED) bul tum a ni a, India ramin zalenna a neih kum 75-na champha lawmna, Azadi ka Amrit Mahotsav hnuaia buatsaih a ni. Chawimawina thu­ziak hi sorkar aiawh­in Champhaia coope­rative audit officer C Vanlalhruaia'n Laldin­ngheti hnenah a hlân.

Laldinngheti hi kum 2010-2014 inkar leh 2016-2018 inkar chhung khan MHIP Sub-Headquarters, Champhai president ṭhin a ni a, kum 2017 aṭangin Champhai Bethel Women Multipurpose Cooperative Society Ltd. chairman a ni bawk.