Women’s Day pualin ṭanpuina hlân

Nimin, March 8 kha International Women’s Day a ni a, he ni pual hian Mizoram hmun hrang hrangah hun hman a ni.

Women’s Day pual hian St. Mary’s College, Shillong aṭanga zir chhuak Alumni group chuan nimin khan HIV/AIDS vanga fahrahte enkawlna, Gan Sabra-a naupang pahnih ṭanpuina (sponsorship) atan Rs 34,000 an hlan a, Gan Sabra tan Rs 7,300 an pe nghal.

St. Anthony’s School, Ranchi Alumni pawhin nimin khan HIV/AIDS vanga fahrahte tana an thawh khawm aṭangin Gan Sabra tan Rs 17,000 leh naupang pathum sponsor-na atan Rs 51,000 an pe a; Auxiliary of Gideons International pawhin Gan Sabra-ah Mizo Bible 50 leh English Bible 15 an pe bawk.

International Women’s Day pualin Lunglei police leh MHIP chuan dan leh hrai inzirtirna Legal Awareness Campaign an buatsaih a, ‘Sexual Harassment of Women at Work Place (Redressal, Prohibition & Refressal) Act, 2013’ leh ‘Laws Relating to Protection of Women’ tih an zirho a ni.