Hmasawnna tluantling zirho

Planning department bultumin nimin khan Lunglei leh Siahaah hmasawnna tluantling, ṭha leh tlo kalpui leh vil dan zirna, Workshop on Implementation, Monitoring & Localization of Sustainable Development Goals buatsaih a ni.

Lungleiah chuan zirhona hi Convention Centre-ah buatsaih a ni a, khuallian Kulothungan A, bawrhsap chuan Sustainable Development Goals 17 a awm thu sawiin, “A tum bulpui ber chu kum 2030 hmaa retheihna ûm bo a, hmasawnna tluantling, ṭha leh tlo kalpui a ni. SDGs kalpuina tehfung hrang hrangah Mizoram chu state ti ṭha pawl niin, Lunglei hi a ti ṭha pawl kan ni a, a lawmawm hle,” a ti.

Workshop-ah hian Planning senior research officer Lalnunsiami leh research officer H Lalengzauva ten SDGs hrang hrang 17 leh SDGs tihlawhtling tura tehfungte an sawifiah.

Siahaah chuan DRDA conference hall-ah zirhona buatsaih a ni a, additional DC Abraham Beirazi Khithie chuan a hmanpui. Line department-a head of office, tlawmngai pawl hruaitute leh village council member-te an tel a ni.