Zverev an enthla dawn

Mipa tennis thuneitu sang Association of Tennis Professionals (ATP) chuan Alexander Zverev an enthla dawn. German star hian thla 12 chhunga nungchang mawi lo a nei leh a nih chuan kar riat chhung inkhel thei loin an hrem ang.

Mexican Open khelh zawh takah Zverev chu singles huangah chak mah se, doubles lamah an chak loh hnuah a thinrim a insum zo lo. Umpire ṭhutna chair chu a racquet in a vua a, tournament aṭangin an paih chhuak nghal.

Tournament aṭanga an paih bakah hian pawisa chawitir a ni a, lawmman a dawn tur pawisa pawh lak ṭhensak a ni bawk. ATP chuan nunchang mawi lo bakah ṭawngkam mawi lo a hmang em, tih an endik reng dawn a ni.

Zverev hian khin let theih nan March 11 thleng hun a nei ang. Mipa tennis huangah hremna tawk na ber chu Nick Kyrgios niin, a nungchang mawi lo vangin chawlhkar 16 chhung inkhel thei loin an lo hrem tawh.