MLA chuh tumte Pawm vek an ni

November 28, 2018-a Mizoram Legislative Assembly inthlanpui awm tura chuh tuma hming pe lutte chu Election department hotute chuan an pawm vek a; inhnûkdâwk an awm loh chuan MLA constituency 40-ah candidate 212 an awm dawn.

Nomination thehluhte chu November 12, Thawhṭanni khan endik a ni a, Champhai North constituency atana nomination thehluhte tih loh, bial dang zawnga mite chu enfiah nghal vek niin, nomination thehluh zawng zawng chu pawm a ni. Champhai North bik chu INC candidate TT Zothansanga chu form fill-up ṭha leh tura tih a nih avangin nimin khan enfiah a ni a, amah nen mi parukte nomination thehluh chu pawm vek a ni.

Nomination thehlutte tan vawiin thleng inhnuhdawh theihna hun hun hawn a ni. Hachhek All NGO Coordination Committee-in Central YMA ráwn chunga common candidate atana an thlan, J Lalsailova, Mission Veng chu Hachhek bialah Bru candidate an awm tâk loh avangin a inhnûkdâwk dawn nia thu dawn a ni.

Bial tina candidate zat:
Bial Candidate zat
Hachhek 8
Dampa 8
Mamit 7
Tuirial 7
Kolasib 6
Serlui 5
Tuivawl 5
Chalfilh 4
Ṭawi 6
Aizawl North-I 6
Aizawl North-II 6
Aizawl North-III 5
Aizawl East-I 6
Aizawl East-II 6
Aizawl West-I 6
Aizawl West-II 6
Aizawl West-III 4
Aizawl South-I 6
Aizawl South-II 4
Aizawl South-III 5
Lengteng 5
Tuichang 5
Champhai North 6
Champhai South 5
East Tuipui 5
Serchhip 7
Tuikum 6
Hrangturzo 6
South Tuipui 4
Lunglei North 4
Lunglei East 4
Lunglei West 4
Lunglei South 5
Thorang 5
West Tuipui 4
Tuichawng 4
Lawngtlai West 5
Lawngtlai East 5
Saiha 4
Palak 4