Political party leh official-te tan Champhaiah training buatsaih

November 12, Thawh­ṭanni tlai khan Champhai DC conference hall-ah political party aiawhte leh Election official-te tan training buatsaih a ni a, district election offi­cer (DEO) Dr Naveen Aggar­wal, DC-in a hmanpui.

Dr Naveen Aggarwal chuan, training-a telte chu an thil zirte an ṭhian hmun danga mite hrilh chhawnga zirtir ṭhin turin a chah a, "Inthlan kaih­hnawih buaipui ṭhintu Mizoram People Forum-te hnathawh a fakawm hle. Kumin inthlannaah pawh rualbanlo voter-te'n vote an thlak vek theihna tura thawhho tum a ni," a ti.

Meeting leh training chu hriat loh leh thiam loh neihte inzir zel angaih avanga mithiam observer-te nena inbiakrawnna hun atana buatsaih a ni a, model code of conduct, campaign chungchange, thil tar leh zawrh tur chhutchhuah a zawm tur leh Cable TV kaltlanga fakna siam tura phalna lak hmasak zel a ṭul thute inhrilhriat a ni.