Inthlan hun sawn mai thei

India rama chanchinbu lian, The Indian Express chuan Mizoram Assembly inthlan hun atana November 28, 2018 ruat tawh chu, sawn a nih mai theih thu nimin tlai khan a tarlang.

The Indian Express tarlan danin, Mizoram chief electoral officer thar turin inpuahchahna hun tam zawk a neih theihna atan sorkar laipui chuan Mizoram MLA inthlan hun December 7, 2018-a sawn mai ṭha a ti a, thutlukna erawh Election Commission of India (ECI)-in state sorkar ráwn chungin a siam ang.

Hetih lai hian, chief election com­missioner Om Prakash Rawat chuan Mizoram inthlan hun sawn chungchangah hian rawtna an la dawn loh thu a sawi. Mizorama Election department hotute pawhin inthlan hun sawn chungchangah Mizoram aṭang chuan rawtna thlen a nih thu an hriat loh thu Vanglaini an hrilh.