KHAWTHLIR

Synod ES thlang
Synod executive secretary (ES) pathum zinga pahnihte kum tharah an chhuah a hun tawh avangin Synod Executive Committee (SEC) chuan kum 2019 aṭanga ES tur mi pathum an thlang a; chu'ngte chu - Rev. Lianhmingthanga Sailo, Rev. B Sangthanga leh Rev. K Lalrinmawia te an ni a, December thlaa Synod Inkhawmpuiin a pawm chuan, January 2019 aṭangin an hna an chelh ṭan ang.

Thisen pe
New Serchhip Pastor Bial KṬP chuan an bial kum 25-na, silver jubilee lawmna atan nimin khan blood donation camp an huaihawt a, Serchhip District Hospital tan thisen unit 28 an pe a, a petute mipa 23 leh hmeichhia panga an ni.

Din cham lawm
Nehru Yuva Kendra (NYK) Lawngtlai district chuan nimin nimin khan Lorrain Hall, Lawng-tlaiah NYK Foundation Day lawmna hun leh 2nd. District Level Declamation Contest buatsaih a ni. Thupui insawisiakah pakhatna chu K Lalhriatchhungi, Lawngtlai Chandmary a ni a, pahnihna leh pathumna chu Benjamin Vanlalpeka Chinzah, Lawngtlai Vengpui leh Nancy Zorinpuii, Lawngtlai College Vengte an ni.

Excise report
Excise & Narcotics department chuan October 2018 chhung khan zu zuar 109 leh zu rûi mi 46 an man a; rakzu litre 3,775.85, zu bilh lai ṭín 16,215, sap zu litre 2,332 leh zu kaihhnawihah lir-thei paruk an man bawk.

EVM endik
MLA inthlana Champhai district-a constituency pangaa hman tur electronic voting machine (EVM) leh voter verifiable paper audit trial (VVPAT)-te chu nimin khan endik a ni a, bar code khawl hmanga scan nghal vek a ni. Champhai district-ah hian EVM ballot unit 212, control unit 224 leh VVPAT 214 hman a ni dawn a, constituency hrang hrangah sem rual tawh niin, strong room pangaah dah ṭhat vek a ni.